बाजीगर’, ‘राजा’, ‘इश्क’ सारख्या हिट चित्रपटात महत्त्वाच्या भूमिका साकारलेले अभिनेते ‘दलीप ताहिल’ यांना पोलिसांनी अटक केली होती. रविवारी रात्री दारूच्या नशेत गाडी चालवताना दलीप यांच्या गाडीनं रिक्षाला धडक दिल्यानं दोन जण जखमी झाल्याची घटना घडली. रविवारी रात्री नऊ वाजता ही घटना घडली असून खारमध्ये राहणारे जेनिता गांधी आणि गौरव चुघ हे दोघे रिक्षानं घरी जात असताना हा अपघात घडला. दलीप यांच्या गाडीनं मागून जोरात धडक दिल्यानं रिक्षातील हे दोन प्रवाशी जखमी झाले. अपघात घडल्यानंतर दलीप यांनी तिथून पळ काढण्याचा प्रयत्न केला परंतु गणपती विसर्जनाच्या गर्दीमुळं ते फार दूर जाऊ शकले नाही. रिक्षातील जखमी प्रवाशांनी दलीप यांची कार अडवून त्यांना बाहेर येण्यास सांगितलं. मात्र, दलीप यांनी त्यांच्यासोबत वाद घालायला सुरुवात केली.नंतर रिक्षातील जखमी प्रवाशांनी पोलिसांनी बोलावलं. खार पोलिस ठाण्यातील काही पोलिस घटनास्थळी आले आणि सर्वांची चौकशी करण्यात आली. चौकशी केल्यानंतर दलीप हेच कार चालवत असल्याचं समोर आलं. यानंतर पेलिसांनी दलीप यांना अटक केली.  अटक केल्यानंतर काही काळातच दलीप यांना जामीन मिळाल्याचंही खार पोलिस ठाण्यातील पोलिस निरीक्षकांनी सांगितलं

LEAVE A REPLY

Please enter your comment!
Please enter your name here